鄭佩佩女兒、1999年港姐亞軍原子鏸（Marsha）去年2月同摩洛哥籍老公拉埋天窗，結婚時原子鏸已經話老公好鍾意小朋友多過我，講明會生B。今日Marsha終於喺社交平台宣布喜訊，Marsha一臉幸福咁捧住隆起嘅肚，留言表示自己已經懷孕14週：「在這艱難的一年裡面，我非常感謝上天在這段時間裡給了我們一個禮物，一個讓我和家人都很期待的好消息。」佢話大家都逼不及待想見到呢個小生命快啲成長。
{{hket:inline-image name="118929564_347913529682243_6066944476219977793_n.jpg"}}{{/hket:inline-image}}
（Marsha IG）
今次係42歲Marsha同老公嘅第一胎，所以佢哋都好開心有咗，預計BB將會喺3月嘅時候會出世:「知道（BB性別）係男仔，我哋其實冇咩所謂，淨係好開心有咗，男仔女仔冇所謂。」
（Marsha IG）
Marsha懷孕至今都冇太大嘅唔舒服：「依家普通Morining sick，少少唔舒服，少少想嘔，但冇真係嘔。有少少攰，同埋好奇怪會好想食嘢，會Craving（有癮），有啲嘢係特別想食，但食完又會唔舒服或者諗起有時都會覺得唔舒服，最唔舒服係諗起或者聞到肉嘅味道，我依家唔可以食太多肉。」
Marsha同老公都鍾意小朋友。（Marsha IG）
Marsha同老公發現呢個喜訊之後完全冇同任何人講：「因為我哋想等到做晒啲Testing，知道BB係健康先話畀媽咪Daddy同屋企人聽。」Marsha指媽咪鄭佩佩唔係好恨抱孫：「媽咪冇所謂，佢冇話好Excited（興奮）但佢會excited for me（為我興奮），佢自己唔會覺得好大件事，Daddy就唔同，佢好想好想有啲孫，……媽咪唔覺得需要生BB。」
爸爸先係最想抱孫嗰個。（Marsha IG）
Marsha透露媽咪現時身在美國，為媽咪唔能夠見證佢呢個咁重要嘅時刻感到失望：「佢唔可以同我過呢個pregnancy（孕期），同埋我生BB嘅時候佢都唔會喺香港,要等我生完返美國先可以見到佢。」
快將榮升婆婆嘅鄭佩佩講明唔湊BB。（Marsha IG）
做瑜伽導師嘅Marsha安全至上，話會等到啲case少啲先會返去授諄：「不過我係希望就算我有pregnant嘅時候我都會繼續教，同埋我會自己練嘅。」
撰文：黃蘊姿